Bastia a l’entorn de la meitat dal sècle XI, l’abaïa foguet per ben de temp abandonaa e vendua a de privats durant la Revolucion Francesa. Foguet transformaa dins una granja e masque ental 1970 foguet achataa da la comuna de Silvanès. S’es ocupaa de son restaure l’Association des Amis de l’Abbaye de Silvanès. L’edifici, a navada única, a una façada a cabana embe dui simples portals escansonat a arc en plen cintre e una granda trífora gòtica embe de vedraas polícromas. L’interior es simple, en peiras a vista, embe de vòutas acintre agut, un transept e l’àbsida cairaa. A la gleisa es annèx un belíssim refertòri embe de vòutas a crosiera e una lòtja embe de colòmnas binaas e d’arcs aguts. Es lo sèti d’un festenal estiu de música sacra.