Lo Mont Lozèra es una vasta dorsala arètja, puntejaa de ròcs de granit, estendua da l’oest a l’est. Separa las Cevènas meridionalas dal Gevaudan catòlic al nòrd. Per de sècles foguet adobrat coma paquier estiu per las feas de la Camarga e dalGard. Depuei lo sècle XII foguet proprietat de l’òrdre di Ospitaliers de Sant Joan de Gerusalèm, puei Cavaliers de Malta. Lo símbol de la crotz de Malta se tròba gravat sus un baron des bòinas en granit que flanquejon las dralhas, pausaas da temp immemorable per guidar lhi pastres e lhi viatjaires sus la montanha unifòrma e sovent neblosa, ente es pro de bèl se pèrder.